Polşa Prezidenti Anjey Duda Ermənistana gəlib.
Senzor.az yerli KİV-ə istinadən bildirir ki, Prezident xanımı Aqata Kornhauzer-Duda ilə birlikdə noyabrın 25-dən 27-dək Ermənistanda rəsmi səfərdə olacaq.
Onun Ermənistan Prezidenti Vaaqn Xaçaturyan, Baş nazir Nikol Paşinyan və parlamentin spikeri Alen Simonyanla görüşlər keçirəcəyi bildirilib. Görüşlərin ardınca prezidentlər birgə mətbuat konfransı keçirəcəklər.
Bundan əlavə, Duda və xanımı AB missiyasının müşahidəçiləri ilə Ermənistan-Azərbaycan sərhədində birgə patrulda iştirak etmək üçün noyabrın 27-də Arazdəyən icmasına baş çəkəcəklər.
