Əfqanıstanda hakimiyyəti ələ keçirən “Taliban” hərəkatı ölkənin Milli Barışıq Ali Şurasının rəhbəri Abdulla Abdullanı və sabiq prezident Həmid Kərzayini mühafizədən məhrum edib.
Bu barədə CNN məlumat yayıb.
“Taliban” Kərzayinin avtomobillərini əlindən alıb və mühafizəçilərindən silahları götürüb. Bundan sonra keçmiş dövlət başçısı çərşənbə günü evində axtarış aparılan Abdulla Abdullanın evinə köçüb. Nəticədə, hakimiyyətin sülh yolu ilə əvvəlki hökumətdən taliblərə ötürülməsi üzrə Koordinasiya Şurasının hər iki üzvü mühafizəsiz qalıb. Eyni zamanda onlar faktiki olaraq ev həbsinə məhkum ediliblər.
