Gürcüstanın paytaxtı Tbilisinin mərkəzində bu gecə keçirilən etiraz aksiyasında Daxili İşlər Nazirliyi (DİN) 24 nəfəri saxlayıb.

Senzor.az bildirir ki, bu barədə DİN məlumat yayıb.

Qeyd edilib ki, iki nəfər də cinayət işləri üzrə saxlanılıb. İstintaq müəyyən edib ki, 29 noyabrda onlardan biri parlament binasına "molotov kokteyli" ataraq bir otaqda yanğın törədib, digəri isə polis əməkdaşını pirotexniki vasitə ilə yaralayıb.

Saxlanılanların yaşları 17 və 21-dir. Sonuncusu daha əvvəl dəfələrlə məhkum olunub. Onlara 7 ilədək həbs cəzası verilə bilər.

Beləliklə, son dörd gün ərzində paytaxtda 224 etirazçı inzibati qaydada kiçik xuliqanlıq və polisin əmrinə tabe olmama səbəbindən həbs edilib.

DİN-in məlumatında o da qeyd olunub ki, son günlər aksiyalarda Nazirliyin 113 əməkdaşı xəsarət alıb, onlardan 4-ü hazırda klinikada müalicə alır.