İrəvanda avtobus sürücüləri tətil elan ediblər.

Senzor.az yerli KİV-ə istinadən bildirir ki, “İrəvan avtobusu” QSC-nin sürücüləri bu gün işə çıxmaqdan imtina ediblər. 

İlkin məlumata görə, sürücülər iş şərtlərinin və maaşlarının nəzərdən keçirilməsini tələb edirlər.

Tətil səbəbindən paytaxtın müxtəlif hissələrində növbələr yaranıb, sakinlər bir neçə saatdır ki, dayanacaqlarda nəqliyyat vasitəsi gözləyirlər. 

Qeyd edək ki, İrəvanda oxşar hadisə cari ilin mayında da qeydə alınmışdı. Sürücülər sözügedən QSC-nin direktoru vəzifəsini icra edən Samvel Nazaryanın fəaliyyətinə etiraz olaraq tətil elan etmişdilər. Onlar şirkətdə uzun müddət işləyən bir neçə əməkdaşın işdən azad olunmasına etiraz edirdilər. İrəvan bələdiyyəsi o vaxt onların etirazını islahatları pozmaq cəhdi kimi qiymətləndirmişdi.