Gürcüstanda hökumət əleyhinə etirazların on üçüncü günü Tbilisidə növbəti aksiya keçirilir.
Senzor.az yerli KİV-ə istinadən bildirir ki, dekabrın 10-u saat 19:00-dan indiyədək aksiya dinc xarakter daşıyıb - insanlar telefonlarında fənər yandırıblar, parlament binasına və polisə hücum etmək cəhdi olmayıb.
Rustaveli prospekti bağlanıb. Parlament binasının ətrafındakı ara küçələrə polis səfərbər edilib.
Azadlıq meydanında xüsusi təyinatlılar gözə dəyməyib.
