Türkiyə Prezidenti Rəcəb Tayyib Ərdoğan iranlı həmkarı Məsud Pezeşkian ilə görüşüb.
Senzor.az Türkiyə mediasına istinadən bildirir ki, görüş Qahirədə D-8 Sammiti çərçivəsində baş tutub.
Tərəflər ikitərəfli, regional və beynəlxalq məsələləri müzakirə ediblər.
Ərdoğan söyləyib ki, Türkiyə - İran əlaqələri regional sabitliyin təməlidir: “İki ölkənin 30 milyard dollarlıq qarşılıqlı ticarət həcmi hədəfinə çatması üçün imkanı var. Əlaqələri inkişaf etdirərək buna nail ola bilərik”.
Türkiyə lideri həmçinin vurğulayıb ki, ölkəsi sabitlik və təhlükəsizliyin hökm sürdüyü, terrordan tam təmizlənən, qaçqınların könüllü və ləyaqətli şəkildə geri qayıdacaqları Suriyanın tərəfdarıdır: “Suriyanın ərazi bütövlüyünün qorunması lazımdır”.
