Kreml Ukrayna ilə bağlı güzəştə getməyə meyilli deyil və yalnız güc mövqeyindən danışıqlara hazırdır.
Bu barədə öz mənbələrinə istinad edən “The Washington Post (WP)” qəzeti yazıb.
Nəşrin yazdığına görə, bununla belə, Moskva “Avropa təhlükəsizlik arxitekturasının” gələcək strukturu ilə bağlı güzəştlər müqabilində Ukraynaya qarşı bəzi ərazi tələbləri ilə bağlı “elastiklik” göstərə bilər.
“Bu mahiyyətcə, ABŞ və Rusiya prezidentləri Donald Tramp və Vladimir Putin arasında keçiriləcək görüşdə Moskvanın NATO-dan kənar Ukrayna, Gürcüstan və digər keçmiş sovet qonşuları üzərində dominantlıq qazanması ilə dünyanın təsir dairələrinə bölünməsinin müzakirə ediləcəyi deməkdir. Bu, NATO-nu zəiflədəcək və Avropanın təhlükəsizliyini təhdid edəcək”, - qəzetdə dərc olunan materialda vurğulanır.
