Rusiya Federal Təhlükəsizlik Xidmətinin (FTX) əməkdaşları Moskvada Müdafiə Nazirliyinin yüksəkrütbəli əməkdaşlarına və onların ailə üzvlərinə qarşı sui-qəsd cəhdlərinin qarşısını alıblar.
Senzor.az yerli KİV-ə istinadən bildirir ki, bu barədə FTX-nın İctimai Əlaqələr Mərkəzindən məlumat verilib.
Qeyd edilir ki, sui-qəsdlərin hazırlanması ilə Ukraynanın xüsusi xidmət orqanları məşğul olub.
"Həyata keçirilən tədbirlər nəticəsində göstərilən sui-qəsdlərin hazırlanmasında iştirak edən Rusiya vətəndaşı olan dörd nəfər saxlanılıb", - deyə məlumatda əlavə edilib.
FTX-nın məlumatına görə, Ukrayna xüsusi xidmət orqanlarının agentləri Moskvada hərbiçilərin qətli üçün poverbank və sənəd qovluğu şəklində maskalanmış bombalardan istifadə etməyi planlaşdırıblar.
Xatırladaq ki, dekabrın ortalarında Moskvada Rusiya ordusunun Nüvə, Kimyəvi və Bioloji Silahlardan Müdafiə Qüvvələrinin komandanı, general-leytenant İqor Kirillov və onun köməkçisi İlya Polikarpova qarşı sui-qəsd həyata keçirilib.
