Suriyada yeni hökumətin lideri Əhməd Şəra ölkədəki xristian icmasının ruhaniləri ilə görüşüb.
Senzor.az yerli KİV-ə istinadən bildirir ki, Suriyanın yeni hökuməti ölkədəki bütün etnik və dini qrupların təmsil olunduğu yeni administrasiya üçün müzakirələri davam etdirir.
Suriyanın Dövlət Xəbər Agentliyi SANA Şəranın Dəməşqdəki sarayda xristian din xadimlərindən ibarət nümayəndə heyətini qəbul etməsinin fotolarını paylaşıb.
Qeyd edək ki, Suriyada əhalinin təxminən 10 faizini xristianların təşkil etdiyi bildirilir.
