Suriya keçid hökumətinin təhlükəsizlik qüvvələri Xüms şəhərində Bəşər Əsədin tərəfdarlarını təqib edir.
Bu barədə SANA agentliyi ölkənin Daxili İşlər Nazirliyinə istinadla məlumat yayıb.
Bildirilib ki, keçmiş rejimin tərəfdarlarından silahlarını təhvil vermələri və hüquq-mühafizə orqanlarının yoxlanışından keçmələri istənilir.
“Daxili İşlər Nazirliyi, xüsusilə Vadi Zahab və Akrima rayonlarının sakinlərini küçələrə çıxmamağa, evlərində qalmağa, həmçinin ərazinin təmizlənməsi başa çatana qədər təhlükəsizlik qüvvələri ilə əməkdaşlığa çağırır”, - məlumatda deyilir.
