Pakistanın şimal-qərbindəki Xayber Paxtunxva əyalətində keçirilən üç əməliyyatda azı 30 terrorçu məhv edilib.
Yerli KİV Pakistan ordusuna istinadən bildirir ki, Lakki Marvat ərazisində keçirilən əməliyyat zamanı 18 terrorçu öldürülüb, 6-sı yaralanıb. Karak rayonunda daha 8 terrorçu məhv edilib. Üçüncü toqquşma zamanı qrup liderləri də daxil olmaqla 4 terrorçu öldürülüb, daha ikisi isə yaralanıb.
Terrorçuların özək təşkilatlarına qarşı mübarizə çərçivəsində çoxlu silah və sursat anbarı aşkarlanıb.
Hərbçilər ərazinin təmizlənməsi əməliyyatını davam etdirirlər.
