Ötən gecə hava hücumundan müdafiə sistemləri Rusiya regionları üzərində Ukraynaya məxsus 70 ədəd PUA-nı məhv edib.
Senzor.az yerli KİV-ə istinadən bildirir ki, bu barədə Rusiya Müdafiə Nazirliyi məlumat yayıb.
Məlumata görə, Rostovda 27, Volqoqradda 25, Həştərxanda 7, Voronejdə 5, Belqorodda 4, Kursk vilayəti üzərində isə 2 ədəd PUA vurulub.
Bu arada “Rosaviasiya” ölkənin Vladiqafqaz, Qroznı və Mahaçqala hava limanlarının fəaliyyətinə məhdudiyyət tətbiq edildiyi barədə məlumat yayıb.
“Mülki təyyarələrin uçuşlarının təhlükəsizliyini təmin etmək üçün Vladiqafqaz, Qroznı və Mahaçqala hava limanlarında təyyarələrin enişi və uçuşuna müvəqqəti məhdudiyyətlər tətbiq edilib”, - deyə məlumatda bildirilib.
