Rusiyanın Krasnodar diyarında pilotsuz uçuş aparatının (PUA) hücumu nəticəsində neft bazasında güclü yanğın baş verib.
Senzor.az yerli KİV-ə istinadən bildirir ki, sosial şəbəkələrdə yanğının əks olunduğu kadrlar paylaşılıb.
Regionun qubernatoru Veniamin Kondratyev bildirib ki, PUA-lardan birinin qalıqları neft məhsullarının olduğu çənə düşüb.
Yanğının söndürülməsinə 55 nəfər və 19 ədəd texnika cəlb olunub. İlkin məlumata görə, yanğın lokallaşdırılıb, xəsarət alan yoxdur.
