ABŞ Prezidenti Co Bayden ötən həftə Kabildə törədilən partlayış nəticəsində 13 ABŞ hərbçisinin və onlarla yerli sakinin həyatını itirməsinə görə Əfqanıstanda fəaliyyət göstərən “İŞİD - Vilayət Xorasan” terror qrupunu növbəti zərbələr endiriləcəyi ilə hədələyib.
APA xəbər verir ki, bu barədə o, xalqa telemüraciətində bildirib.
“Hələ sizinlə qurtarmamışıq. Ali Baş Komandan kimi qəti şəkildə inanıram ki, təhlükəsizliyimizi təmin etməyin ən yaxşı yolu amansız hədəflənmiş yüksəkdəqiqli strategiyadır”, - deyə Bayden vurğulayıb.
