"Taliban" hərəkatı şəhərlərdə havaya atəş açanların silahlarının əllərindən alınacağını və məsuliyyətə cəlb ediləcəklərini bəyan edib.
"RİA Novosti" xəbər verir ki, bu barədə hərəkatın "Twitter" hesabında məlumat yayılıb.
Hərəkat rəhbərliyinin nümayəndəsi bildirib ki, "Taliban" liderinin müavini Məhəmməd Yakub havaya atəş açanlara qarşı bir sıra tədbirlər görülməsi barədə əmr verib.
Belə ki, Kabildə və ya başqa şəhərlərdə havaya atəş açan hər kəsin silahı dərhal əlindən alınacaq.
