Ukrayna Rusiya-Belarus sərhədindəki Krasnıy Kamen sərhəd keçid məntəqəsinə dron hücumu edib.

APA xəbər verir ki, bu barədə Rusiya KİV-i məlumat yayıb.

Bildirilib ki, Rusiya-Belarus sərhədindəki beynəlxalq keçid məntəqəsi gecə dron hücumundan sonra bağlanıb. Nəqliyyat vasitələrinin artıq Krasnıy Kamen keçid məntəqəsindən keçməsinə icazə verilmir.

Qeyd olunub ki, keçid məntəqəsinə hücumlar 26 sentyabrda intensivləşib. Dronlar Bryansk vilayəti tərəfində iki Belarus yük maşınını yandırıb. Sərhəd məntəqəsindən keçid tamamilə dayandırılıb və hava xəbərdarlığı elan edilib. Nəqliyyat vasitələrinin hərəkətinin Smolensk vilayətindən keçidi təmin olunub(Bax: https://www.youtube.com/shorts/8W4g7RHmS7A).