Dünya birjalarında neft qiymətləri ucuzlaşıb.
Senzor.az bildirir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,31 dollar azalaraq 84,46 dollar olub.
Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti də 0,29 dollar ucuzlaşıb və 80,57 dollar təşkil edib.
Azərbaycan neftinin qiyməti isə cüzi bahalaşıb. Belə ki, “Azeri Light” markalı neftin bir barelinin qiyməti 0,01 dollar artaraq 88,60 dollar olub.
Xatırladaq ki, Azərbaycan neftinin bir barelinin ötən il ərzində maksimum qiyməti martın 9-da (135,99 dollar) qeydə alınmışdı.
