330 kV-luq “Cəbrayıl” qovşaq yarımstansiyası işğaldan azad olunan ərazilərdə tikilən ən böyük yarımstansiya olmaqla yanaşı, eyni zamanda ən strateji enerji qovşağıdır:

Bunu açıqlamasında "Azərenerji" ASC-nin mətbuat xidmətinin rəhbəri Teymur Abdullayev deyib.

O bildirib ki, bu yarımstansiyanın tikilməsi işğaldan azad olunan ərazilərin dairəvi elektrik təhcizatında xüsusi rol oynayır:

"Eyni zamanda əlavə mənbənin yaradılması üçün bu yarımstansiyanın çox böyük əhəmiyyəti var. “Cəbrayıl” enerji qovşağı həm də işğaldan azad edilən ərazilərdə tikilən, su elektrik satnsiyalarının, “Günəş”, “Xudafərin”, “Qız qalası” elektrik stansiyalarının Azərbaycanın ümumi enerji sisteminə ötürülməsi üçün olduqca əhəmiyyətlidir. “Cəbrayıl” enerji qovşağının beynəlxalq əhəmiyyəti də var. Qovşaq ölkələrarası layihədir. Belə ki, layihə çərçivəsində Azərbaycandan Naxçıvana, oradan isə Türkiyəyə enerji ötürüləcək. Türkiyədən isə Avropaya enerjinin ötürülməsi layihəsi var".