Ukrayna Ali Radasında Gürcüstanın sabiq Prezidenti Mixeil Saakaşvilinin humanitar əfvi və müalicə üçün xaricə köçürülməsinə çağırış edən müraciət layihəsi qeydə alınıb.
APA xəbər verir ki, müraciəti hakim “Xalqın xidmətçisi”partiyasının lideri David Araxamia da daxil olmaqla ümumilikdə 87 deputat imzalayıb.
Sənəddə Gürcüstan Prezidentinə, həmçinin Avropa Parlamentinin üzvlərinə, Aİ-yə üzv ölkələrin parlament üzvlərinə, ATƏT Parlament Assambleyasına və NATO-nun Parlament Assambleyasına müraciət yer alıb.
Qeyd olunub ki, təşəbbüsün məqsədi Gürcüstan Prezidenti Salome Zurbaşvili tərəfindən Ukrayna vətəndaşı olan sabiq Prezident Mixeil Saakaşvilinin səhhəti nəzərə alınmaqla humanitar əfvinə nail olmaqdır. Müraciətdə həmçinin Aİ-yə üzv ölkələrin parlamentarilərinə Prezident Salome Zurabişvilinin müvafiq qərarı qəbul etməsinin təmin edilməsi mqəsədilə zəruri qərar və qətnamələri qəbul etməyə çağırış edilib.
