Bu gün Xəzər dənizində baş verən zəlzələlərin ( Dağıstan ərazisi və Türkmənistanla sərhəddə) Azərbaycana heç bir təsiri yoxdur və olması da mümkün deyil.
Senzor.az xəbər verir ki, bunu AMEA nəzdində Seysmoloji Xidmət Mərkəzinin İnformasiya şöbəsinin müdiri Vüsalə Rafiqqızı deyib. O bildirib ki, sosial şəbəkədə bununla bağlı yayılan məlumatların heç bir əsası yoxdur.
"Əsassız məlumatlara inanmayın və rəsmi məlumatları izləyin", - deyə o qeyd edib.
**15:43
Bu gün Xəzər dənizində daha bir zəlzələ olub.
Bu barədə Senzor.az-a Respublika Seysmoloji Xidmət Mərkəzindən məlumat verilib.
Zəlzələlərin tədqiqatı bürosunun məlumatına əsasən, yerli vaxtla saat 13:19-da Xəzər dənizində (Dağıstan ərazisində) zəlzələ qeydə alınıb.
Maqnitudası 3.3 olan zəlzələ ocağının dərinliyi 66 km olub.
**11:56
Xəzər dənizində zəlzələ baş verib.
Bu barədə Senzor.az-a Respublika Seysmoloji Xidmət Mərkəzindən xəbər verilib.
Zəlzələlərin tədqiqatı bürosunun məlumatına əsasən, yerli vaxtla saat 10:31-də Xəzər dənizində (Türkmənistan ilə sərhəddə) zəlzələ qeydə alınıb.
Zəlzələnin maqnitudası 3.5, dərinliyi 63 km olub.
