Qazaxıstanın Abay şəhərində (Karaqanda vilayəti) mədəndə metan qazının sızması baş verib.Senzor.az yerli KİV-ə istinadən bildirir ki,
ilkin məlumatlara görə, saat 09.30 radələrində baş verən hadisə zamanı mədəndə 64 işçi olub.
Qazaxıstan Fövqəladə Hallar Nazirliyinin nümayəndəsi bildirib ki, hadisə nəticəsində 6 nəfər həlak olub, 2 nəfər yaralanıb (onların vəziyyəti dəqiqləşdirilir).
Qazaxıstan Respublikasının Baş naziri Askar Mamin tapşırığı ilə fövqəladə hallar naziri Yuri İlinin başçılıq etdiyi komissiya hadisə yerinə yola düşüb.
