Hazırda Günəş aktivliyi yüksək səviyyədədir. Baş verən M9.1(R2 güclü) alışması bu ilin M sinif alışmaları arasında ən güclüsü olub. Digər aktiv oblastların sürətlə sahələrini və vəziyyətini dəyişməsi müşahidə edilib. Baş verən tac kütlə atılmaları kiçik sürətə malik olduğundan mayın 9-da Yerin yaxınlığından keçəcəyi proqnozlaşdırılır.
Senzor.az Bakı Dövlət Universitetinin (BDU) Fizika fakültəsinin Astrofizika kafedrasına istinadən bildirir ki, mayın 4-dən 6-dək Günəş aktivliyinin davam edəcəyi üçün M (R1-R2 mülayim orta - radiorabitəni güclü əngəlləyən) və X (R3 güclü və daha böyük) alışmaların olacağı ehtimal olunur. Həmin günlər üçün Günəş küləyi parametrlərinin artması və tac dəliklərindən çıxan yüksəksürətli axınların təsiri hiss olunacaq.
Mayın 3-də baş vermiş tac kütlə atılmasının və həmin tarixdə səhər saat 6 radələrində olan X1.6 alışmasının təsiri ilə mayın 5-i günün sonu və 6-sı saat 14:00-dək daha güclü geomaqnit həyəcanlaşması hiss olunacaq.
Mayın 5-də G1 (mülayim) səviyyədə geomaqnit qasırğası davam edəcək. Tac kütlə atılmasının və tac dəliklərindən gələn yüksəksürətli axınların davam edən təsirləri səbəbindən mayın 6-da günün ilk yarısınadək G1-G2 (orta) səviyyədə geomaqnit qasırğası gözlənilir.
**09:00
İki yeni Günəş partlaması Yaponiya, Çin və Avstraliyada qısadalğalı radio rabitəsində fasilələrə səbəb olub.
Senzor.az xarci KİV-ə istinadən bildirir ki, partlayışlar mayın 2 və 3-də baş verib.
Ən güclü “X” kateqoriyalı ilk püskürmə mayın 2-si Bakı vaxtı ilə 07:22-də baş verib. Daha zəif “M” sinfinə aid növbəti partlayış isə mayın 3-də Bakı vaxtı ilə 13:00-da qeydə alınıb.
Tədqiqatçılar qeyd ediblər ki, “X” sinfinə aid partlayış indiki Günəş siklində ən böyük 11-ci partlayış olub.
