Paytaxtda tanışını döyərək öldürən şəxs saxlanılıb.
Senzor.az bildirir ki, bu barədə Xətai Rayon Prokurorluğundan məlumat verilib.
Qeyd olunub ki, sentyabrın 15-də paytaxtın Xətai rayonu ərazisində 1994-cü il təvəllüdlü Hüseyn Hüseynovun almış olduğu xəsarətlər nəticəsində 3 saylı Şəhər Kliniki Xəstəxanasında ölməsi barədə rayon prokurorluğuna məlumat daxil olub.
Aparılan araşdırmalarla müəyyən edilib ki, dünən saat 17 radələrində zərərçəkmişin tanışı - 1991-ci təvəllüdlü Həsən Çəndirli şəxsi münasibətlər zəminində aralarında baş verən mübahisə zamanı onun bədəninin müxtəlif nahiyələrinə yumruqla xəsarətlər yetirib, nəticədə H.Hüseynov almış olduğu xəsarətlərdən xəstəxanada ölüb.
Faktla bağlı Xətai Rayon Prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.
Həsən Çəndirli şübhəli şəxs qismində tutularaq istintaqa cəlb edilib.
Hazırda cinayət işi üzrə zəruri istintaq hərəkətləri davam etdirilir.
**09:18
Bakının Xətai rayonunda qətl hadisəsi baş verib.
APA bildirir ki, hadisə Əhmədli qəsəbəsində qeydə alınıb.
Məhəmməd Hadi küçəsi 74, mənzil 94 ünvanında yaşayan 1994-cü il təvəllüdlü Hüseynov Hüseyn Faiq oğlu hələlik adı, soyadı bilinməyən şəxs tərəfindən döyülərək ağır xəsarət alıb.
Yaralı xəstəxanaya çatdırılıb. Həkimlərin səyinə baxmayaraq, o, dünyasını dəyişib.
Fakt Xətai Rayon Prokurorluğu tərəfindən araşdırılır.
