ABŞ Prezidenti Donald Tramp Rusiya Prezidenti Vladimir Putin və Çin Sədri Si Cinpinlə üçtərəfli görüş keçirmək imkanını nəzərdən keçirməyə hazırdır.
Senzor.az xəbər verir ki, Tramp bu barədə Ağ Evin cənub həyətində jurnalistlərə açıqlamasında bildirib.
Üç ölkə liderinin görüşü ilə bağlı razılaşmanın olub-olmadığı barədə suala cavab verən ABŞ Prezidenti hazırda belə bir razılaşmanın olmadığını deyib.
“Xeyr, amma mən bunu edərdim”, – Tramp vurğulayıb.
Onun sözlərinə görə, mümkün görüşün əsas mövzusu nüvə silahları və nüvəsizləşdirmə məsələləri ola bilər.
“Biz nüvə silahları və nüvəsizləşdirmə haqqında danışmaq üçün belə bir görüş keçirərdik”, – ABŞ Prezidenti əlavə edib.
