Türk dünyasının birliyini dosta-düşmənə bir daha göstərəcəyik.
Senzor.az yerli KİV-ə istinadən bildirir ki, bunu Türkiyənin Milliyyətçi Hərəkat Partiyasının (MHP) sədri Dövlət Baxçalı partiyasının iclasında çıxışı zamanı deyib.
O, türk dövlətləri və xalqları arasında dialoq və əməkdaşlığın gücləndirilməsinin türk dünyasının müstəqilliyinə və suverenliyinə töhfə verəcəyini vurğulayıb.
MHP liderinin sözlərinə görə, Türk Dövlətləri Təşkilatı regionda və qlobal səviyyədə sülhə, əmin-amanlığa və ədalətə zəmin yaradacaq mühüm aktordur.
Dövlət Baxçalı Türk Dövlətləri Təşkilatının oktyabrın 29-30-da Türkiyənin ev sahibliyi ilə keçiriləcək 13-cü Zirvə Görüşünü mühüm hadisə kimi qiymətləndirib.
