Oktyabrın 9-da Bakıda və Abşeron yarımadasında hava dəyişkən buludlu və əsasən yağmursuz olacaq.Senzor.az Milli Hidrometeorologiya Xidmətinə istinadən bildirir ki, şimal-şərq küləyi gündüz cənub-şərq küləyi ilə əvəz olunacaq.
Havanın temperaturu yarımadada gecə 9-11, gündüz 15-17, Bakıda gecə 9-11, gündüz 15-17 dərəcə isti olacaq.
Atmosfer təzyiqi 773 mm civə sütunu təşkil edəcək. Nisbi rütubət gecə 60-70, gündüz 45-50% olacaq.
Tibbi-meteoroloji proqnoza gəlincə, sabah Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.
Azərbaycanın rayonlarında da hava əsasən yağmursuz keçəcək. Lakin gecə və səhər bəzi yerlərdə yağış yağacağı ehtimalı var. Səhər bəzi yerlərdə duman olacaq, şərq küləyi əsəcək.
Havanın temperaturu gecə 10-13, gündüz 16-20 dərəcə isti, dağlarda gecə 1 dərəcə şaxtadan 3 dərəyəcədək isti , gündüz 4-8 dərəcə isti olacaq.
