Paytaxtın Nəsimi rayonunda iki minik avtomobili toqquşub.
APA xəbər verir ki, yol qəzası Vaqif və Xan Şuşinski küçələrinin kəsişməsində qeydə alınıb.
Kamil Əliyev idarəetməsində olan “Toyota” markalı maşınla yol ayrıcını keçərkən “BMW” markalı maşına çırpılıb. Toqquşma zamanı “Toyota” aşıb. Qəza nəticəsində “BMW” markalı avtomobilin xanım sürücüsü və iki sərnişin ağır xəsarət alıb. Yaralanan sərnişinlərdən biri Küveyt vətəndaşıdır.
Aşan “Toyota”nın sürücüsü K.Əliyev və onun sərnişini Sərxan Məmmədov da müxtəlif xəsarətlər alıblar. Yaralılar Kliniki Tibbi Mərkəzə yerləşdirilib.
Faktla bağlı Nəsimi Rayon Polis İdarəsində araşdırma aparılır.
