Gəncədə evdə qaz sızması nəticəsində partlayış olub.
APA-nın məlumatına görə, hadisə şəhərin Nəriman Nərimanov prospektindəki 5 mərtəbəli yaşayış binasının 4-cü mərtəbəsində yerləşən mənzildə qeydə alınıb.
Partlayış zamanı 84 yaşlı Paxlina Orucovanın yüngül xəsarət aldığı bildirilir.
Hadisə yerinə FHN-in əməkdaşları və təcili-tibbi yardım briqadası cəlb olunub. Partlayışın təsirindən mənzilin pəncərələri qırılıb, nəticədə binanın qarşısında dayanmış avtomobillərə ziyan dəyib.
Araşdırma aparılır.
