Goranboy Rayon Polis Şöbəsinin (RPŞ) əməkdaşları tərəfindən keçirilən müvafiq tədbirlər nəticəsində koronavirus testinin nəticəsi pozitiv çıxan Balakürd kənd sakini Məhəmməd Zeynalovun, Tatarlı kənd sakini Kənan Məmmədovun və Qızılhacılı qəsəbə sakini Elman Məmmədovun ev şəraitində müalicə almalarına baxmayaraq, karantin qaydalarını kobud şəkildə pozaraq, yaşadıqları ünvanları tərk etmələri müəyyən edilib.
Senzor.az Daxili İşlər Nazirliyi Mətbuat xidmətinin Gəncə şəhərindəki regional qrupuna istinadən bildirir ki, polis əməkdaşları dərhal onların rayon ərazisində yerlərini müəyyən edərək, tibbi prosedurlar gözlənilməklə yaşadıqları evə göndərib.
Faktlarla bağlı araşdırmalar davam etdirilir.
