Aşura günü ilə bağlı Azərbaycanda keçirilən könüllü qanvermə aksiyası başa çatıb.

Senzor.az bildirir ki, bu barədə Səhiyyə Nazirliyindən məlumat verilib.

Qeyd olunub ki, Aşura günü təşkil olunan qanvermə aksiyalarında ümumilikdə 2 821 nəfər könüllü donor iştirak edib.

Donorlardan toplanan qanın ümumi həcmi 1269,45 litr olub.

Hər il keçirilən bu humanitar aksiya qana ehtiyacı olan xəstələrin müalicəsinə mühüm töhfə verməklə yanaşı, cəmiyyətdə könüllü donorluq ənənələrinin təşviqinə də xidmət edir.