Quba rayonunda qətl törədən şəxsin işi məhkəməyə göndərilib.
Senzor.az Quba Rayon Prokurorluğuna istinadən bildirir ki, 2021-ci il iyunun 9-da Sofikənd kənd sakini Sadıq Ramazanovun qəsdən öldürülməsi faktı əsasında istintaq aparılıb.
İstintaqla müəyyən edilib ki, zərərçəkmişin oğlu Rəvan Ramazanov yaşadıqları evin həyətində şəxsi münasibətlər zəmnində aralarında yaranmış mübahisə zamanı balta ilə Sadıq Ramazanovun sinə və baş nahiyəsinə xəsarətlər yetirərək qəsdən öldürüb.
Rəvan Ramazanov Cinayət Məcəlləsinin 120.1-ci (qəsdən adam öldürmə) maddəsi ilə təqsirləndilirən şəxs qismində cəlb edilərək məhkəmənin qərarı ilə barəsində həbs qətimkan tədbiri seçilib.
Hazırda istintaq yekunlaşdırılıb, cinayət işi baxılması üçün aidiyyəti üzrə Sumqayıt Ağır Cinayətlər Məhkəməsinə göndərilib.
