İranla Azərbaycan arasında münaqişə ehtimalından danışarkən məsələni şişirtmək lazım deyil. 

Bunu Ermənistanın baş naziri Nikol Paşinyan İctimai Televiziyaya müsahibəsində ABŞ Dövlət Departamentinin sözçüsü Ned Praysın bəyanatını şərh etmək xahişinə cavab olaraq bildirib.

Baş nazir əlavə edib ki, İranla Azərbaycan arasında dərin iqtisadi və mədəni əlaqələr var, onlar dost ölkələrdir və suallar yaranırsa, bu, bir çox başqa ölkələrlə də baş verir.

Senzor.az xatırladır ki, Dövlət Departamentinin sözçüsü Ned Prays dünənki brifinqdə Amerikanın İrandan təhdid olacağı təqdirdə Azərbaycanı qoruya biləcəkmi sualına cavab verərkən demişdi: “Vaşinqton İranın regionda sabitliyi pozan təsirinə qarşı tərəfdaşlarının yanında olacaq”.