Ermənistan Kollektiv Təhlükəsizlik Müqaviləsi Təşkilatının (KTMT) Kollektiv Təhlükəsizlik Şurasının (KTŞ) bəyannaməsini imzalamaqdan imtina edib.

Senzor.az yerli KİV-ə istinadən bildirir ki, bu barədə Ermənistan baş nazirinin saytında məlumat verilib.

“KTMT KTŞ-nin Bəyannaməsi və Ermənistan Respublikasına yardımın göstərilməsi üzrə birgə tədbirlər haqqında” layihəsi yetərincə işlənməyib və bu formada, bütün hörmətimlə, mən bu sənədləri imzalamağa hazır deyiləm”, - deyə Ermənistanın baş naziri Nikol Paşinyan qeyd edib.

O, tələb edib ki, "KTMT Azərbaycanın hərəkətlərinə siyasi qiymət verməlidir".

Bundan əvvəl isə Belarus lideri Aleksandr Lukaşenko yekun çıxışında bildirib ki, həmin iki sənəd müzakirə edilərkən erməni dostlar düzəlişlər təklif ediblər: “Ancaq bu təklifi qəbul etməmək, daha dərinə getməmək qərarı verildi”.