Norveç Parlamentinin deputatı Kristian Tübrinq-Gedde NATO-nun Baş katibi Yens Stoltenberqin Nobel Sülh Mükafatına namizədliyini irəli sürüb.

Senzor.az xarici KİV-ə istinadən bildirir ki, bu barədə deputat öz “Facebook” səhifəsində məlumat verib.

“Bu gün mən Baş katib Yens Stoltenberqin Nobel Sülh Mükafatına namizədliyini irəli sürdüm. Stoltenberq Alyans üçün çətin bir zamanda NATO-nun Baş katibi kimi gözəl işinə görə bu mükafata layiqdir”, - deyə Tübrinq-Gedde qeyd edib.

Norveçli deputat Stoltenberqin NATO tərəfindən Ukraynaya dəstəyin təmin edilməsində rolunun vacibliyini vurğulayıb.

O, həmçinin Stoltenberqi “NATO-ya üzv ölkələr arasında ən mühüm əlaqə” adlandırıb. Deputat qeyd edib ki, Stoltenberq İsveç və Finlandiyanın Alyansa üzv olmasına da öz töhfəsini verib.