Ermənistan Jurnalistlər Birliyi hökumətə çağırış ünvanlayıb.

"Sputnik Armeniya" xəbər verir ki, çağırışda jurnalistlərə qarşı diskriminasiya hallarına yol verilməsinin qəbuledilməz olduğu vurğulanıb.

Belə ki, Ermənistan baş naziri Nikol Paşinyanın keçirəcəyi mətbuat konfransına bəzi mətbuat orqanlarının dəvət edilməməsi narazılığa səbəb olub.

Bildirilib ki, bu, mətbuat azadlığı və demokratiya prinsipləri ilə ziddiyyət təşkil edir. Jurnalistlər Birliyi hakimiyyəti mətbuat konfransına bütün media orqanlarını dəvət etməyə çağırıb.

Qeyd edək ki, Nikol Paşinyanın mətbuat konfransı bu gün keçirilməlidir.