“Downing Street” Britaniya hökumətinin Ukraynaya Rusiya işğalından müdafiəsinə kömək etmək üçün tanklar verməyi planlaşdırdığını ilk dəfə təsdiqləyib.

Nazirliyin sözçüsü jurnalistlərə bildirib ki, Baş nazir Rişi Sunak müdafiə naziri Ben Uollesdən tankların tədarükü də daxil olmaqla, Ukraynaya dəstəyi daha da sürətləndirmək üçün yaxın həftələrdə tərəfdaşlarla işləməsini istəyib.

Qeyd edək ki, Kiyevin Britaniya Ordusunun “Challenger 2” tankları ilə təchiz edilməsi  barədə razılaşma əldə edilsə, bu, haqqında söhbət gedən müharibənin tarixində bir yenilik olacaq. Belə ki, bununla ilk dəfə bir Qərb ölkəsi Ukraynanı müasir ağır döyüş tankları ilə təmin etmiş olacaq.