Daxili İşlər Nazirliyi (DİN) Mətbuat Xidmətinin şöbə rəisi Elşad Hacıyevin rütbəsi artırılıb.
Senzor.az bildirir ki, bununla bağlı daxili işlər naziri general-polkovnik Vilayət Eyvazov müvafiq əmr imzalayıb.
Əmrə əsasən, E.Hacıyevə polis polkovik-leytenantı rütbəsi verilib.
Qeyd edək ki, E.Hacıyev indiyədək polis mayoru rütbəsini daşıyıb.
O, 2020-ci ildən DİN Mətbuat Xidmətinin KİV və ictimaiyyətlə əlaqələr şöbəsinin rəisi vəzifəsində çalışır. Ondan əvvəl isə Bakı Şəhər Baş Polis İdarəsi Mətbuat Xidmətinin rəhbəri olub.
DİN-in Mətbuat Xidməti idarə səlahiyyətlidir. Nazirliyin müvafiq idarəsi dövlət qurumları arasında ən operativ Mətbuat xidmətlərindən sayılır. Və E.Hacıyev cəmiyyətdə polisin nüfuzunun qorunması, ictimaiyyətin və media nümayəndələrinin baş vermiş hadislərlə bağı vaxtında məlumatlandırılması, eləcə də maarifləndirmə işinin təşkil olunmasında xüsusi fəallığı ilə seçilir.
