"Turkish Airlines" pis hava şəraiti ilə əlaqədar İstanbul Beynəlxalq Hava Limanından fevralın 5-i və 6-na planlaşdırılan 238 aviareysin təxirə salındığını açıqlayıb.
Senzor.az yerli KİV-ə istinadən bildirir ki, ötən cümə günü aviaşirkət fevralın 5-dək İstanbulu əhatə etməli olan güclü qar səbəbindən uçuşların cədvəlində mümkün dəyişikliklər barədə xəbərdarlıq edib. Şirkət sərnişinlərə uçuşların vəziyyətini Türk Hava Yollarının saytında əvvəlcədən yoxlamağı tövsiyə edib.
İstanbulun Asiya hissəsində yerləşən Sabiha Gökçen hava limanında uçuşların ləğvi və ya vaxtının dəyişdirilməsi ilə bağlı hələlik heç bir məlumat verilməyib.
