Dünya Bankı Türkiyəyə 1,78 milyard dollar ayırıb.

“Anadolu” bildirir ki, bu barədə qurumun bəyanatında qeyd edilib.

“Fəlakətin miqyasını qiymətləndirmək, bərpa və yenidənqurmayla bağlı prioritet sahələri müəyyən etmək üçün zərərin sürətli qiymətləndirilməsinə başlanılıb”, - deyə bəyanatda bildirilib.

Qurumdan vurğulanıb ki, müvafiq vəsait dəhşətli zəlzələ və afterşoklardan sonra yaranmış vəziyyəti aradan qaldırmaq üçün aparılan xilasetmə və bərpa işlərinə sərf olunacaq.

Senzor.az xatırladır ki, fevralın 6-da Türkiyənin cənub-şərqində 9 saat fərqlə 7,7 və 7,6 maqnitudalı iki zəlzələ baş verib. Son məlumata görə, zəlzələ nəticəsində 17 674 nəfər ölüb, daha 72 879 insan yaralanıb.

Güclü zəlzələlərdən sonra bölgədə maqnitudası 6,6-ya çatan yüzlərlə afterşok qeydə alınıb.