Türkiyədəki Cümhuriyyət Xalq Partiyasının (CHP) sabiq sədri, Antalyadan millət vəkili Dəniz Baykal Ankarada 84 yaşında vəfat edib.
Senzor.az yerli KİV-ə istinadən bildirir ki, bu barədə CHP-nin sədri Kamal Qılıçdaroğlu sosial media hesabında paylaşım edib.
Dəniz Baykal 1938-ci ildə Antalyada doğulub. Müxtəlif dövrlərdə Türkiyənin maliyyə naziri, enerji və təbii sərvətlər naziri, xarici işlər naziri vəzifəsində çalışıb. 2000-ci ildən 2010-cu ilə qədər CHP-nin sədri olub.
Ailəli idi, bir qızı var.
