Almaniya polisinin 15 əməkdaşı da Avropa İttifaqının (Aİ) Ermənistandakı uzunmüddətli missiyasında iştirak edəcək.

Senzor.az xarici KİV-ə istinadən bildirir ki, bu barədə Almaniya hökumətinin sözçüsü Şteffen Hebestreit məlumat verib.

Onun sözlərinə görə, qərarı ölkənin Nazirlər Kabineti qəbul edib. O, missiyanın tərkibində Avropa İttifaqının müxtəlif ölkələrindən yüz polis əməkdaşının Ermənistan tərəfdə patrul xidməti aparacağını bildirib.

Daha əvvəl xəbər verdiyimiz kimi, Aİ missiyasının tərkibinə Fransa jandarmları da daxil ediləcək. Xatırladaq ki, Fransada jandarm ölkənin silahlı qüvvələrinin tərkibinə daxildir və Müdafiə Nazirliyinə tabedir. 

Missiya fevralın 20-də başlayacaq.

Senzor.az