Qırğızıstan Prezidenti Sadır Japarov ölkənin bütün sabiq prezidentləri ilə görüş keçirib.
Mk.ru xəbər verir ki, bu barədə Qırğızıstan Prezidentinin mətbuat katibliyi məlumat yayıb.
İlk dəfə belə formatda təşkil olunan görüşdə Askar Akayev, Kurmanbek Bakiyev, Roza Otunbayeva, Almazbek Atambayev və Sooronbay Jeenbekov iştirak ediblər.
Mətbuata elan olunan birgə bəyanatda qeyd olunur ki, keçmiş prezidentlər bir-birini bağışlayaraq millətin gələcəyi üçün birləşməyə qərar verdiklərini elan ediblər.
Hazırkı Prezident Sadır Japarovun sözlərinə görə, Qırğızıstanın keçmiş ölkə başçıları onun “bir yumruqda birləşmək” təşəbbüsünü dəstəkləyiblər.
