Xocalı soyqırımının 31-ci ildönümündə bu faciənin günahsız qurbanlarının xatirəsi Şuşada da anılıb.

Senzor.az bildirir ki, bu gün Bakı vaxtı ilə saat 17:00-da Azərbaycanın bütün ərazisində olduğu kimi, Laçın-Xankəndi yolunun Şuşa ərazisindən keçən hissəsində də Xocalı soyqırımı qurbanlarının xatirəsi yad olunub. 

Belə ki, aksiyada iştirak edən ekofəallar və könüllü gənclər bir dəqiqəlik sükut elan ediblər. Ərazidə olan avtomobillər səs siqnalı veriblər.

Sükut dəqiqəsindən sonra Xocalı faciəsi ilə bağlı şüarlar səsləndirilib.

Qeyd edək ki, Azərbaycanın Qarabağ iqtisadi rayonunda faydalı yataqların qanunsuz istismarı əleyhinə Laçın-Xankəndi yolunda keçirilən etiraz aksiyası 77 gündür davam edir.