Stokholm Madrid razılaşmalarını tam yerinə yetirməyincə, ölkə İsveçin NATO-ya daxil olmasına razılıq verə bilməz.
Bunu Türkiyənin xarici işlər naziri Mövlud Çavuşoğlu bildirib.
Onun sözlərinə görə, İsveç və Finlandiyanın NATO-ya daxil olması ilə bağlı müəyyən öhdəlikləri var, lakin Stokholm hələlik onların hamısını yerinə yetirməyib. O, İsveçdə PKK terror təşkilatının hələ də fəaliyyət göstərdiyini bildirib.
Qeyd edək ki, Türkiyə, İsveç və Finlandiya nümayəndələrinin üçüncü görüşü martın 9-da Brüsseldə olacaq. Görüşdə üçtərəfli memorandumun icra vəziyyətinə baxılacaq.
