İran Beynəlxalq Atom Enerjisi Agentliyinə (MAQATE) müraciət edərək həllini gözləyən problemlərlə bağlı agentliklə əməkdaşlıq etməyə hazır olduğunu bəyan edib.
“Reuters” bildirir ki, bu barədə MAQATE-nin yaydığı hesabatda qeyd olunub.
Rəsmi Tehran həmçinin Beynəlxalq Atom Enerjisi Agentliyi ilə texniki müzakirələri davam etdirməyə hazır olduğunu da açıqlayıb.
Öz növbəsində MAQATE-nin baş direktoru Rafael Qrossi Tehran tərəfinin son açıqlamasını alqışladıqlarını bildirib.
Qeyd olunur ki, artıq yaxın vaxtlarda MAQATE ilə İran rəsmiləri arasında Tehranda görüş keçiriləcək.
