Türkiyənin Yenidən Rifah Partiyasının sədri Fatih Ərbakan mayın 14-ü keçiriləcək Prezident seçkilərinə namizədliyini geri götürüb.
Senzor.az yerli KİV-ə istinadən bildirir ki, Ərbakan bu məsələdə Prezident Rəcəb Tayyib Ərdoğanla şəxsən görüşüb razılığa gəldiyini söyləyib.
Ərbakan qeyd edib ki, partiyası “Cümhur İttifaqı”na qoşulur və partiyanın üzvləri seçkilərdə blokun vahid namizədi Ərdoğana səs verəcəklər.
Qeyd edək ki, F.Ərbakan Türkiyənin keçmiş Baş naziri Nəcməddin Ərbakanın oğludur.
Onu da qeyd edək ki, indiyədək "Cumhur İttifaqı"nda Ədalət və İnkişaf Partiyası (AKP), Milliyyətçi Hərəkat Partiyası (MHP) və Böyük Birlik Partiyası (BBP) təmsil olunurdular.
