Böyük Britaniyanın Azərbaycandakı səfiri Fergus Auld Böyük Quruluş Partiyasının sədri, Milli Məclisin deputatı Fazil Mustafaya qarşı terror aktını pisləyib.
Senzor.az bildirir ki, diplomat bu barədə “Tvitter”də paylaşım edib.
F.Auld bildirib ki, bir neçə ay əvvəl F.Mustafayla tanış olmaq imkanı olub.
"Dünən axşam ona qarşı baş verən silahlı hücum məni çox kədərləndirdi. Bu hadisəni şiddətli şəkildə qınayır və onun tezliklə sağalmasını arzulayıram", - deyə səfir vurğulayıb.
Bir neçə ay əvvəl Fazil Mustafayla tanış olmaq imkanım olmuşdu. Dünən axşam ona qarşı baş verən silahlı hücüm məni çox kədərləndirdi. Bu hadisəni şiddətli şəkildə qınayır və onun tezliklə sağalmasını arzulayıram.
— FergusAuldFCDO (@FergusAuldFCDO) March 29, 2023
Qeyd edək ki, martın 28-də saat 21:51-də F.Mustafa evinin önündə güllələnib. Dövlət Təhlükəsizlik Xidməti bu hücumu terror aktı kimi qiymətləndirib. Parlamentari əməliyyat olunub. Onun həyatına təhlükə olmadığı bildirilib.
Faktla bağlı araşdırma aparılır.
