Ermənistanda hər düşünülməmiş, guya “qəhrəmanlıq” addımı xoşagəlməz nəticələrə səbəb ola bilər, bu, tərəqqi yolunda uğursuzluğa işarədir.
Senzor.az bildirir ki, bunu Ermənistanın Baş nazir Aparatının rəhbəri, Ağır atletika üzrə Avropa çempionatının Təşkilat Komitəsinin sədri Araik Arutyunyan srağagün çempionatın açılışında Azərbaycan bayrağının yandırılması ilə bağlı insidentlə bağlı “feysbuk”dakı səhifəsində yazıb.
O, bir daha qeyd edib ki, Azərbaycan bayrağı ilə bağlı insident tərəqqi yolunda uğursuzluğa işarədir.
Qeyd edək ki, aprelin 14-də İrəvanda ağır atletika üzrə Avropa çempionatının açılış mərasimində tədbirin təşkilatçılarından olan stilist Aram Nikolyanın səhnəyə qaçaraq, Bayrağımızı qapıb yandırması səbəbindən Azərbaycan idmançıları yarışda iştirakdan imtina edib və Vətənə qayıdıblar.
