Ukrayna Xarici İşlər Nazirliyi bir gün əvvəl Minskdə Prezident Aleksandr Lukaşenko ilə qondarma “Donetsk Xalq Respublikası”nın (“DXR”) rəhbəri vəzifəsini icra edən Denis Puşilin arasında keçirilən görüşdən sonra Belarusdakı səfiri İqor Kizimi məsləhətləşmələr üçün geri çağırıb.
Senzor.az bildirir ki, Ukrayna Xarici İşlər Nazirliyinin yaydığı bəyanatda belə deyilir.
"Ukrayna Xarici İşlər Nazirliyi Ukraynanın Belarus Respublikasındakı səfiri İqor Kizimi məsləhətləşmələr üçün geri çağırmaq qərarına gəlib", - məlumatda deyilir.
Ukrayna Xarici İşlər Nazirliyi tərəflər arasında aparılan danışıqları “açıq-aşkar qeyri-dost hərəkət” adlandırıb.
Xatırladaq ki, Belarus Prezidenti aprelin 18-də “DXR” rəhbəri vəzifəsini icra edən Denis Puşilinlə görüşüb və bildirib ki, özü və ölkəsi Donetskə insanların həyatının bərpası və normallaşdırılması üçün hər cür yardım göstərməyə hazırdır.
Senzor.az
