İsrailin Baş naziri Benyamin Netanyahu hesab edir ki, İranın nüvə dövlətinə çevrilməsinin qarşısını almağın yeganə yolu real hərbi təhlükədir.
O, bu barədə bazar günü CNN telekanalına müsahibəsində deyib.
Baş nazir İsrail, ABŞ və qonşu ərəb ölkələrini nəzərdə tutaraq “Bu, hamımızın borcudur”,- deyə bəyan edib.
“Bizim qiymətləndirməmizə görə, göstərdiyimiz bəzi operativ, iqtisadi və siyasi səylər İranın ilkin planlarına müdaxilə edib. Onlar indi olduqları yerdə təxminən 10 il əvvəl olacaqlarına inanırdılar. Biz onları yavaşlatmağı bacardıq, lakin tamamilə dayandıra bilmədik”, - deyə Netanyahu vurğulayıb.
